පාපන්දු සම්මෙලනයේ නව ව්‍යවස්ථාව තුනෙන් දෙකටත් වඩා බහුතරයකින් සම්මතයි
නිලවරණය 2022 ඔක්තෝම්බර් 23
ශ්‍රීලංකා පාපන්දු සම්මේලනයේ නව ව්‍යවස්ථාව අද( 2022 සැප්තැම්බර් 22) තුනෙන් දෙකකටත් වඩා වැඩි බහුතරයකින් විශේෂ මහාසභා රැස්වීමේදී සම්මත විය.මෙම ව්‍යවස්ථාවේ එක් ලීගයක් සදහා එක ඡන්දයක් වෙනුවට ඡන්ද තුනක් ලබාදීම පිලිබද වූ වගන්තියට පක්ෂව ඡන්ද 48 ක්ලැබුණු අතර විපක්ෂව ඡන්ද කිසිවක් නොමැත. 13ක් ඡන්දය දීමෙන් වැලකිනි. මෙම වගන්තිය හැර අනෙක් සියළු වගන්ති සදහා ඡන්ද 61 ක් ලැබුණු අතර කිසිවකුගේ විරෝධතාවයක් නොතිබිණි. මෙම විශේෂ මහාසභා රැස්වීම වත්තල පෙගාසස් රීෆ් හෝටලයේදී පැවැත්විණි.මෙම විශේෂ මහාසභා රැස්වීමට ව්‍යවස්ථා කෙටුම්පත නිරීක්ෂණයට දිවයිනට පැමිණ සිටින ජාත්‍යාන්තර පාපන්දු සංගමයේ නියෝජිතයන් දෙදෙනා සහ ආසියානු පාපන්දු සම්මේලනයේ නියෝජිතයාද සහභාගී විය.
මෙම නව ව්‍යවස්ථාව සම්මත කර ගැනීමත් සමග ක්‍රීඩා අමාත්‍යවරයාගේ විශේෂ විධානයක් ද ලබා ගනිමින් 2022 ඔක්තොම්බර් … දින පාපන්දු සම්මේලනයේ නිලවරණය කැදවීමට තීරණය කර ඇත. නිලවරණය වෙනුවෙන් විශ්‍රාමික මහාධිකරණ විනිසුරුවන් දෙදෙනෙකුගෙන් සහ ඒ ශ්‍රේණියේ පරිපාලන නිලධාරියකුගෙන් සමන්විත ත්‍රිපුද්ගල නිලවරණ කමිටුවක්ද පත් කර ඇත
ජස්වර් උමාර්
සභාපති
ශ්‍රීලංකා පාපන්දු සම්මේලනය
